- #WorldSmileDay #DiaMundialDeLaSonrisa.
«Fai un actu de bondá. Ayuda a una persona a sonrir».
Nel añu 1999 Harvey Ball, ceador del símbolu iconográfico Smiley Face o Carina Feliz, decidió proclamar el Día Mundial de la Sorrisa para’l primer vienres d’ochobre, una fecha pensada para ser feliz y llevar allegría a otros, anque sía per un día. La sorrisa ye un xestu que produz munchos beneficios. Al sonrir, el nuesu cuerpu llibera endorfines y serotoninas, dos hormones que nos faen sentir más felices, menos estresaos y ameyorar el nuesu estáu d’ánimu. La sorrisa ye un llinguaxe universal.
Sonrir ye parte del llinguaxe universal, ye gratis y ayúdanos en munchos ámbitos de la vida: na seducción, na vida profesional, na nuesa autoestima. Xenera seguridá n’unu mesmu y nos demás. Y ye contaxosa.
Cada añu millones de persones aprovechen el Día Mundial de la Sorrisa, para compartir frases famoses sobro la sorrisa. Equí compartímoste dalgunes de les más populares.
- La sorrisa cuesta menos que la eletricidá y da más lluz. – Proverbiu escocés.
- Xuna gran sorrisa ye una bella cara de xigante. – Charres Baudelaire.
- Ye más fácil llograr lo que se deseya con una sorrisa que cola punta de la espada. – William Shakespeare.
- El neñu reconoz a la madre pola sorrisa. – Leon Tolstoi.
- El maquillaxe qu’enguapez más ye xuna sorrisa sincera. – Anónimu.
Como l’oxetivu d’esti día ye llevar allegría a tou aquel que la precise, podemos dende faer obres caritatives hasta dedica-y toa xuna tarde a un amigu que sabemos que ta travesando por un mal momentu. O a cencielles sonri siempres que te pruyir, vas sentite meyor y vas faer sentir meyor al que ta al to llau.
Otra bona manera ye compartir frases gracioses, imaxes y videos que promuevan l’allegría n’otros. Aprovechemos al máximu la conectividá y arimemos xuna sorrisa de forma viral.
