El primer llunes d’ochobre celebra’l Día Mundial del Hábitat para cavilgar sobro l’estáu de los nuesos pueblos y ciudaes. Tamién pa recordar que tenemos de buscar soluciones pa faelos más sostenibles y asina amenorgar l’impactu que provocamos, ayudar a ameyorar un planeta yá estropiáu y curiar de tolos hábitats nos que viven les distintes especies animales. Tien por lema «Arreyar/involucrar a los mozos para crear un futuru urbanu meyor».
- Fonte: UN /
L’oxetivu del eventu ye encetar los retos y oportunidaes de la rápida urbanización. va centrase na participación activa de los mozos na configuración de ciudaes y comunidaes sostenibles. La celebración fai fincapié en cómo podemos arreyar a les nueves xeneraciones na planificación del so presente y futuru urbanos por aciu procesos participativos y oportunidaes de lideralgu local.
El mundu ta urbanizándose a gran velocidá, y munchos de los residentes urbanos actuales son xente nuevo, especialmente en dellos países d’África y Asia. Anguaño, los mozos del Sur global constitúin el 70 % o más de les ciudaes.
Para 2050, prevese que les ciudaes acueyan aprosimao al 70 % de la población mundial, lo que pon de manifiestu l’acuciosa necesidá d’una planificación urbana integradora y un desenvolvimientu sostenible.
