La Conseyería de Cultura, Política Llingüística y Deporte presenta la marca «ADN. Asturies, Deporte y Naturaleza» pa promocionar el deporte nel mediu natural
El Principado de Asturias pon l’acentu nes posibilidaes qu’ufierta Asturies como destín turísticu y deportivu, los equipamientos a disposición de la ciudadanía y les competiciones que se desenvuelven per tola xeografía asturiana en contactu cola naturaleza. Sobre manera, aquelles qu’ayuden a convertir el deporte nun espaciu seguru, inclusivu y igualitariu al empar que son motor económicu
El Principáu llanza la marca ADN. Asturies, Deporte y Naturaleza pa promocionar el deporte nel mediu natural
- La iniciativa, qu’aspira a la distinción de Rexón Europea del Deporte 2025, va presentase a Aces Europe esti vienres en La Llaboral, que la so torre va illuminase de verde coincidiendo col Día Mundial de Protección de la Naturaleza
- El distintivu nuevu va valir p’afianzar Asturies como destín turísticu deportivu que fomenta los vezos de vida saludable
La Conseyería de Cultura, Política Llingüística y Deporte presentó la marca ADN. Asturies, Deporte y Naturaleza pa promocionar el Principáu como destín turísticu y deportivu, y va servir pa poner en la naturaleza como un elementu vertebrador de les disciplines variaes y de la historia deportiva de la comunidá.
El Principáu pon l’acentu nes posibilidaes qu’ufierta Asturies como destín deportivu, los equipamientos públicos y privaos a disposición de la ciudadanía y les competiciones que se desenvuelven per tola xeografía asturiana en contactu cola naturaleza. Sobre manera, aquelles qu’ayuden a convertir el deporte nun espaciu seguru, inclusivu y igualitariu al empar que son motor económicu.
Na ellaboración y llanzamientu d’esta marca, Cultura tuvo en cuenta les característiques de los deportes tradicionales y el texíu asociativo asturiano que contribuye a caltener diariamente la nuestra identidá nel ámbitu deportivu.
N’ADN. Asturies, Deporte y Naturaleza tán presentes tamién les y los deportistes asturianos d’altu nivel, amás del personal técnico implicao nes competiciones. Precisamente, yá sofitaron esta iniciativa directivos y directives del sector, atletes d’altu nivel y aficionaos de delles modalidaes.
Nel videu de llanzamientu participaron la piragüista olímpica Sara Ouzande, la surfista profesional Lucía Martiño, el deportista mozu de vela adaptada Iyán Pérez, el ciclista olímpicu Samuel Sánchez y l’alpinista Rosa Fernández.
Amás de la difusión que va suponer la puesta en marcha d’ADN. Asturies, Deporte y Naturaleza, la Conseyería de Cultura, Política Llingüística y Deporte quier llograr con esta marca la distinción europea d’Asturies como Rexón Europea del Deporte 2025 que concede la entidá ACES Europe.
Por esta razón, esti vienres, coincidendo’l Día Mundial de Protección de la Naturaleza cola presentación de la candidatura europea a Aces Europe, el Gobiernu autonómicu va illuminar de verde la torre de La Llaboral, en Xixón.
Esta iniciativa ta alliniada colos oxetivos de la Estratexa de Turismu del Principáu d’Asturies 2020-2030, que propón promocionar la práctica del deporte n’entornos naturales, impulsando’l cicloturismu y el senderismu, ente otres disciplines.
La creación de la marca ADN súmase, colos mesmos oxetivos de divulgación cultural asociada a la naturaleza, a la d’otres yá vixentes como la marca Ciclismu por naturaleza —que busca asitiar el Principáu como un destín líder en cicloturismu—, y la marca Asturias, naturaleza minera, creada pa promocionar los nuestros paisaxes industriales y el so patrimoniu.
