- Fonte: LNE / Tolo que se sabe de Pintaius, el primer asturianu conocíu
- Proyectu Pintaius / La puesta en valor de los castros de Llena / Facebook / proyectopintaius@gmail.com
Recreación 3D del rostru de Pintiaus a partir de la so estela funeraria. Sara Díaz.
L.lena quier convertir nel so iconu a esti portaestandarte de la lexón romana nacíu nel Güerna que morrió nel añu 69 en Rheinbrohl (Alemaña). Pintaius ye’l primer emigrante asturianu n’Alemaña y el primer asturianu que quixo ser famosu, que quixo tescender.
El primeru que se fixo una semeya nesa suerte de «Instagram» romanu que yeren les llábanes funeraries. La suya nun foi atopada nos marxes de la Vía Apia, el «time line» más famosu de la dómina, onde los enterramientos cúntense por centenares y onde más «públicu» podía ver los cercos funerarios colos sos correspondientes comentarios (epitafios).
Esti personaxe asturianu, que’l so serviciu nel exércitu romanu llevólu a combatir na Cohors V Asturum mientres la Revuelta Bátava del añu 69 d.C., nel conocíu Añu de los Cuatro Emperadores. Pintaius, quien morrió en combate mientres la mentada revuelta.
Rol-up explicativu del proyectu.
Al llau, bustu de Pintaius. Enriba, la llábana que-y dio fama, que’l so orixinal caltiense nel Muséu de Bonn (Alemaña) y tien copia nel Muséu Arqueolóxicu d’Asturies. Debaxo, una recreación del campamentu romanu de Bonn. La llábana que-y dio fama, que’l so orixinal caltiense nel Muséu de Bonn (Alemaña) y tien copia nel Muséu Arqueolóxicu d’Asturies.
L’alcaldesa de L.lena, Gema Álvarez, al pie de Jorge Oca, amuesa una reproducción del bustu de Pintaius. Esa pieza, fabricada a partir del escaniáu de la reproducción de la llábana de Pintaius que s’amuesa nel Muséu Arqueolóxicu d’Asturies, ye’l primer pasu del Proyectu Pintaius col que L.lena quier convertir el soldáu romanu n’iconu del conceyu. El bustu presentóse’l pasáu 24 de setiembre. Lo siguiente va ser un cómic que cunte la so hestoria y que va ser distribuyíu nos centros escolares del conceyu. Col tiempu, la intención de L.lena ye crear rutes turístiques pol territoriu qu’habitó Pintaius, entamar recreaciones históriques y toles actividaes que, rellacionaes col «signifer», sirvan para promocionar el conceyu.
Finalmente, el proyectu ta considerando la posibilidá d’entamar una recreación histórica en redol a la figura de Pintaius, que coincida cola Fiestona de Zurea, celebrada a finales de setiembre, el mesmu mes en que’l soldáu finó en combate. Esta recreación incluyiría un mercáu de la dómina romana, nel que la vida y legáu de Pintaius seríen la exa central. Amás, la so imaxe podría convertise nun símbolu a utilizar en trofeos, galardones y otros eventos conmemorativos, reforzando’l so papel como referente cultural y hestóricu para la rexón.
Con esti proyectu, L.lena non solo busca caltener y promocionar el so pasáu castreño, sinón tamién conectar a la comunidá colos sos raigaños al traviés de la figura d’un héroe local.
