El dibuxu como arte, oficiu, o estilu de vida. Toos aquellos que se dediquen a la ilustración y a la técnica d’afigurar al traviés d’imaxes y oxetos el 10 de payares celebren el so día. Trátase d’un día reconoz la llabor de toos y cada unu de los artistes que por aciu les sos obres espublicen la cultura por tol mundu. Un dibuxante o ilustrador n’una persona que tien como oficiu’l dibuxu.
El so trabayu consiste n’afigurar por aciu dibuxos la realidá que per otra parte puede atopase escrita. Los sos dibuxos pueden ayudar a clarificar el testu, ente que n’otros casos el dibuxu por sí mesmu espresa. Por aciu los sos dibuxos o ilustraciones son capaces d’averar a los ciudadanos la realidá talo como ye, o pol casu contrariu de caricaturizala.
Anguaño les ilustraciones tienen una gran importancia nel sector del marketing, yá que en munches ocasiones la elección d’un productu o otru per parte del consumidor depende en gran midida del curiosu d’esi productu. Los dibuxos ya ilustraciones ayuden y faciliten a escoyer esi productu y non el de la so competencia.
- El trabayu podemos velo en diversos exemplos como: Tarxetes de felicitación / Llibros de neños / Periódicos / Revistes / Portaes de discos…
- Tipos de dibuxos, atendiendo al oxetivu d’ésti: Dibuxu artísticu: esti tipu de dibuxu básase en realidaes que l’artista tien en mente, vio o recuerda. El dibuxu puede ser realista, surrealista o astractu. Dibuxu xeométricu: ye aquel que ye representáu por aciu gráfiques planes. Dibuxu técnicu: ye aquel que representa unos planos de conxuntu nun solu planu.
Nel Día de los y les Dibuxantes, déxovos un dibuxu que fixi va cuantayá.
