«El mayor resultáu de la educación
ye la tolerancia». Helen Keller.
Cada 16 de payares ufiértanos la oportunidá de cavilgar sobro la importancia de la educación como mediu más eficaz pa prevenir la intolerancia. Nesti día apostamos pola diversidá, el respetu, la convivencia y l’arriquecimientu de les distintes cultures y espresiones humanes.
Foi proclamáu pola Asamblea Xeneral de les Naciones Xuníes el 12 d’avientu de 1996, como una respuesta a la creciente necesidá de promover la comprensión y el respetu mutuu nun mundu cada vez más diversu. Esta proclamación siguió a l’adopción de la Declaración de Principios sobro la Tolerancia per parte de los Estaos miembros de la UNESCO’l 16 de payares de 1995, que definió la tolerancia como’l respetu, l’aceptación y l’apreciu pola diversidá cultural, les formes d’espresión y les maneres de ser humanos. L’oxetivu d’esta proclamación ye sorrayar que la tolerancia nun ye xuna forma d’indulxencia nin d’indiferencia, sinón un valor esencial pa la coesistencia pacífica y el respetu a los derechos humanos universales.
