El 13 de payares ye una fecha especial nel calendariu global, yá que se celebra’l Día Mundial de l’Amabilidá o bondá. Ye un día nel que persones de too el mundu xúnense para recordar la importancia de ser atentes y arrogantes colos demás. Una xornada por qu’intentemos sentinos bien, pero sobremanera, para contribuyir a que los demás sían felices y sientan la solidaridá.
Esti día recuérdanos la importancia de ser atentes coles demás persones, allegra-y a daquién el día con una simple sorrisa o con un comentariu prestosu que puede marcar la diferencia. L’amabilidá non solo fai felices a quien la reciben, tamién a quien la practicamos. Cuando somos atentos, sentímonos meyor y ameyoramos les nueses relaciones contribuyendo a una sociedá más solidaria. Esto nun tendría de ser cosa d’una vegada al añu, sinón practicalo tolos díes faciendo pequenos xestos.
Pequenos actos d’amabilidá: Con nós mesmos:
- Tomanos un tiempu para relaxanos y folgar.
- Realizar actividaes que nos faigan sentir bien.
- Curiar de nuesa salú física y emocional.
- Esfrutar de los pequenos detalles y momentos de felicidá.
Pequenos actos d’amabilidá: Coles demás persones:
- Escuchar y amosar interés nes coses que-yos gusten.
- Amosar gratitú poles coses que faen y pola so compañía.
- Brindar sofitu
- Respetar y empatizar.
- Faer por estes persones actos de bondá ensin pidir nada a cambéu.
Pequenos actos d’amabilidá: Cola Comunidá:
- Participar n’actividaes comuñales y voluntaries.
- Amosar respetu a toles persones de la comunidá.
- Contribuyir siempres que se pueda ensin pidir nada a cambéu.
Pequenos actos d’amabilidá: Cola naturaleza:
- Amenorgar el consumu de recursos naturales, como l’agua y l’enerxía.
- Reciclar y reutilizar materiales siempres que sía posible.
- Llantar árboles y/o curiar de les plantes na nuesa redolada.
- Evitar l’usu de productos químicos dañibles para’l mediu ambiente.
- Concenciase sobro la importancia del caltenimientu de la naturaleza y compartir esa conocencia con otres persones.
