El 11 de payares conmemora’l “Día Mundial de l’Origami” col fin de celebrar esta espresión artística como un símbolu de paz y amistá nel mundu. L’origami ye l’arte de la papiroflexa d’orixe xaponés que consiste nel plegáu de papel ensin utilizar tisories nin pegamentu, llogrando formes increíbles hasta verdaderes escultures en papel.
- Fonte: Japón Hoy
Los oríxenes de l’origami remóntense al periodu Heian (794-1183) en Xapón onde les primeres pieces yeren dos figures de camparines: una yera fema y otra machu, emplegabase en bodes sintoístes para representar la unión ente una pareya.
Otru antecedente importante son les creaciones del periodu Kamakura (1183-1333) onde los noshis representaben la bona suerte y yeren un amuleto pa los guerreros.
Tres el periodu Muromachi (1333-1573) l’origami dexa de ser un arte pa la xente de la nobleza y empieza a practicase en tol pueblu xaponés. Les conocencies trespásense conforme avancen les xeneraciones y nueves técniques y figures surdieron énte la evolución de l’origami.
L’origami modernu tal como lo conocemos anguaño n’occidente s’internacionalizó nel sieglu XX gracies a la popularidá del artista Akira Yoshizawa colos sos más de 50,000 pieces d’origami qu’anovaron esti arte.
Güei, la práctica de l’origami convirtiose n’enclín a nivel mundial por cuenta de la facilidá de consiguir los materiales y convertir daqué tan simple como xuna fueya de papel nun oxetu estraordinariu.
