- Alborecemos col cielu nuboso na mayor parte d’Asturies, tando más escampláu na fastera más ocidental y con precipitaciones tovía na oriental con unes temperatures que tan alrodiu de los 11ºC, rexistrándose nel puirtu Payares 6,4ºC.
- Güei van dir dixebrándose le nubes d’oeste a este una vegada que pase’l frente atlánticu que mos barrió esta nueche pa quedar el cielu con nubes ya claros o abancios. Les temperatures en descensu y l’aire gallegu pue soplar con raches moderaes tovía en puntos de la costa ya en zones altes de montaña.
- Mañana miércoles tendremos intervalos nubosos entemecíos ente dellos claros, tando más escampláu nes hores centrales del día con temperatures suaves en xeneral anque descenderán dalgo pela nueche.
- Los siguientes díes la situación sedrá mui asemeyada con tiempu mui seliquino ya unes temperatures másimes que dirán medrando según pasen les xornaes, mentantu les mínimes se caltendrán o baxarán dalgo más.
