- Alborecemos con nubosidá media-alta ya con unes temperatures que tan alrodiu de los 15ºC, dalgo menos nes zones d’iversión, rexistrándose nel puirtu Payares 6,5ºC onde sopla con fuercia l’aire ábrigu.
- Güei vamos tener el cielu empuercá de nubes medies y altes con unes temperatures que van caltenese altes, algamándose de nuevu los 20ºC en amplies zones d’Asturies, amás l’aire ábrigu amenorgará nes zones de montaña, pa volver a coyer puxu’l prósimu riscar.
- Mañana sábadu la nubosidá sedrá más abondosa y el día va tar más nuble con raches moderaes de vientu ábrigu na cordelera, provocando l’efeutu foehn al soo pasu y faciendo que se disperen les temperatures na mayor parte d’Asturies cola posibilidá de que caiga dalguna gotera dispersa ya ocasional al atapecer.
- El domingu amenorgará l’aire ábrigu y dirá rolando a gallegu con un descensu llixeru de les temperatures, el cielu va tar empuercáu de nubes medies y altes con aumentu de la nubosidá pela tarde, por mor d’un frente atlánticu pero nun sedrá hasta’l finar el día cuando van xeneralizase les precipitaciones, antes pue cayer dalguna gotera, dispersa ya ocasional.
- El llunes descenderán moderadamente les temperatures ya tendremos dalgún xarabatu ocasional que sedría de nive perriba de los 1900m. con aire de componente noroeste que pue dexanos dalguna racha moderada en zones altes ya en puntos del llitoral.
A llargu plazu, pal final de la ponte de la Constitución, van poniéndose dalcuerdu los principales modelos meteorolóxicos en metenos una entrada fría pero esto yá lu diremos viendo.
