L’autopista ente Llión y Asturies reabre a 40 kilómetros per hora. La esviadura provisional de 270 metros dexa retomar a la conexón directa ente dambes provincies mientres van siguir los trabayos na fastera desprendida.
- Fonte: LeónNoticias /
Tres 17 díes d’actividá frenética en busca d’una solución urxente que dexara retomar la conexón directa per autopista ente Asturies y Llión, la AP-66 volvía recibir a los vehículos.
Ente señales lluminoses, bandes sonores y marques viales d’amenorgamientu de la velocidá, el Güerna reabría les barreres y dexaba cuando cayía la nueche que los primeros convóis aportaren a la plataforma dende Campumanes y La Magadalena.
Los trabayos pa retirar l’argayu que’l pasáu 10 de payares soterraba los cuatro carriles nel conceyu de L.lena -Asturies- dieron los sos frutos. Foi compromisu del Gobiernu, al traviés del ministru de Tresportes reactivar la circulación lo antes posibles para desconxestionar el puertu de Payares que vivió casi trés selmanes d’un tránsitu que recordaba al sieglu pasáu.
