«si una ciudá ye bona pa les neñes y los neños,
va selo pa tola ciudadanía».
El miércoles 27 de payares va presentase na Xunta Xeneral del Principiáu d’Asturies el llibru «La ciudá de les neñes y los neños», obra del psicopedagogu y dibuxante italianu Francesco Tonucci. Esti volume fai’l númberu 22 de la coleición Estaya Pedagóxica de l’Academia de la Llingua Asturiana.
Esta versión actualizada, que caltién tola fuercia argumental, inspiradora y crítica cola que foi escrita va agora 30 años, tien l’oxetu de poner a les neñes y los neños nel centru de les decisiones polítiques de la ciudá, conscientes de que, como diz Tonucci, «si una ciudá ye bona pa les neñes y los neños, va selo pa tola ciudadanía»La conseyera d’Educación, Lydia Espina, participó na presentación de la obra traducida al asturianu del dibuxante italianu y psicopedagogu Francesco Tonucci, ‘Frato’.
Espina calificó al invitáu como «un auténticu referente para los maestros y les maestres de medio mundu» y comentó una famosa ilustración de Tonucci sobre la escuela realizada en 1970, para sorrayar «la gran responsabilidá» que tienen les autoridaes educatives para llograr que l’alumnáu «pueda desenvolver al máximu la so potencialidá, acordies con los sos intereses, capacidaes y personalidá».
Nel actu intervinieron el presidente de la Xunta Xeneral del Principáu, Juan Cofiño; el vicerrector de Planificación estratéxica y Coordinación de Campus de la Universidá d’Uviéu – Uniovi, Juan Carlos San Pedro, y el secretariu de l’Academia de la Llingua Asturiana, Xosé Ramón Iglesias, amás del autor.
