- Fonte: Actualidá Asturies / Life Silfore / SERIDA
El programa européu Life Silfore busca aumentar la resistencia de los sistemes agroforestales, amenorgar el riesgu de quemes y ameyorar la biodiversidá cola ayuda del gochu asturcelta y la cabra bermeya, races autóctones asturianes.
El Serviciu Rexonal d’Investigación y Desenvolvimientu Agroalimentario (Serida) ta desenvolviendo un proyectu européu para combatir el cambéu climáticu al traviés de práctiques silvopastorales que combinen, n’un mesmu terrén, la producción forestal col llendo de races autóctones en peligru d’estinción como’l gochu asturcelta y la cabra bermeya. L’oxetivu del programa ye aumentar la resistencia de los sistemes agroforestales atlánticos y subatlánticos y amenorgar el riesgu de quemes nestes zones.
