«Dientro de venti años vas tar más decepcionáu
de les coses que nun fixisti que de les que fixisti.
Asina que desamarra amarres y salea lloñe
de los puertos conocíos.
Aprovecha los vientos alisios nos tos veles.
Esquiza. Suaña. Afaya». Mark Twain.
El 30 de payares de 1835 naz l’escritor estadounidense Mark Twain. Tuvo amplia obra como escritor, orador y humorista, dexándonos grandes obres como Les aventures de Tom Sawyer, Les aventures d’Huckleberry Fin, El príncipe y el méndigu, Un yanqui na corte del Rei Arturo, etc.
Tom Sawyer ye un mozu rebalbu y con un gran talentu para convertir cualquier sucesu cotidianu n’una aventura. Colos sos amigos, o cola so novia Becky, va vivir nueches terrorífiques nel campusantu, aventures pirates, enfrentamientos con lladrones y malfechores, ya inclusive la busca d’una ayalga…
Publicada ente 1876 y 1878, anguaño considerá una obra maestra de la lliteratura. Rellata les aventures de la infancia de Tom Sawyer, un neñu que crez nel períodu anterior a la Guerra de Secesión en «St. Petersburg», una población ficticia, de la mariña del ríu Misisipi inspirada n’Hannibal (Missouri), onde creció l’autor.
