- Fundación Oso Pardo/ ver videu / Fonte: Actualidá Asturies / Videu TPA /@fundacionosoast /
-
La osezna Cova, rescatada en primavera en #YernesYTameza, ya vive en libertá nel Parque Natural de Redes.
La osezna ‘Cova’ foi lliberada’l 29 d’chobre pol Principáu d’Asturies n’una zona apartada del Parque Natural de Redes, un llugar óptimu poles condiciones del hábitat y pola so alloñanza d’actividaes humanes. Cova foi rescatada la pasada primavera n’una carretera en Yernes y Tameza, con solu 1,9 quilos de pesu y trés meses d’edá, tres dixebrase por fuerza de la so madre.
Tres el so rescate, la osezna foi treslladada al Centru de Recuperación de Fauna Montesa en Cantabria , y darréu, n’agostu, al Centru de Referencia para l’Aclimatación d’Osos Pardos en Valsemana (Llión), onde convivió con otru esbardu para fomentar la so socialización y ameyorar les sos habilidaes de supervivencia.
Foi lliberada con 32 quilos de pesu, portando un microchip, un crotal y un GPS d’última xeneración de pelo, lo que va dexar monitorizar el so reintroducción y asegurar que la so adaptación sía óptima.
Dende la FOP tresmiten el so agradecimientu y felicitación a toles persones que participaron nel rescate, rehabilitación y reintroducción de ‘Cova’. Al venir del núcleu occidental de la población d’osu pardu cantábricu, la so suelta na área oriental pue ser bien positiva para ameyorar la variabilidá xenética y contribuyir al futuru de la especie. ¡Llarga vida, pequena!
Más información na nota de la Consejería de Medio Rural y Política Agraria : https://actualidad.asturias.es/…/el-principado-libera-a…
