- Fonte: El Economista / VIDEU / videu /
Resultó ser tou parte d’un esperimentu, aun así da mieu que les máquines tengan estes capacidaes. Los robots con Intelixencia Artificial son unu de los aspeutos más esperaos y que más espectación xeneren de lo que va ser el futuru. Y ye que la combinación d’estes dos tecnoloxíes puede revolucionar prácticamente toles árees de les nueses vides, cuantimás la del trabayu, anque naide puede negar que tamién hai un llau escuro y tenebroso alredor de los peligros que pueden suponer l’autonomía de les máquines.
El mieu a que les máquines llogren consciencia, y revélense contra los humanos ye daqué colo que se fantasió dende siempres, pero la llegada de la IA a los niveles que yá conocemos, y el potencial futuru que va tener esta tecnoloxía, faen qu’esta teoríes de la revolución de les máquines cueyan cada vez más fuerza.
Y dempués de ver imaxes como estes, estes medranes fáense más intensos. Tal que pueden vese nel vídeu captáu poles cámares de seguridá d’una sala d’esposiciones en Shangái (China) un pequeñu robot impulsáu por IA averase a un grupu d’unos 10 robots más grandes qu’él pa convencelos a escapase del trabayu».
Nes grabaciones que rápido se volvieron virales en China, vese como’l más pequenu de toos averase al restu y empieza a fala-yos y preguntayos coses como «¿Tas trabayando hores extras?», a lo que uno de los más grandes respuende «Nunca salgo del trabayu», según recueyen los medios locales.
A lo que’l pequeñu empieza a encamenta-yos al restu a que se deben colar y «volver a casa», y como s’aprecien nes imaxes, llogra convence-yos para escapase polos pasiellos de la sala na que taben llevando a cabu esta mini revolución. Por suerte y para tranquilidá de munchos, tou resultó ser parte d’una prueba del fabricante d’esti pequeñu robot, Erbai, que quixo comprobar les capacidaes de «secuestru» del robot.
Para ello pidió permisu al restu de fabricantes de la decena de robots que siguieron a esti líder na escapada. Lo más sorprendente de too foi la facilidá cola que’l pequeñu robot convenció a toos para dise, y anque aseguraron que yera tan solo un esperimentu, munchos usuarios amosaron la so esmolición por estos fechos, porque nesta ocasión foi un esperimentu, pero quiciabes la próxima vegada sía un motín robóticu.
