Los osos tán en plenu periodu de hiperfagia, consumiendo los frutos serondiegos qu’ufierten los montes cantábricos. Diba tiempu que nun víamos una collecha d’abiyotes tan abondosa y uniforme por tol cordal, dende l’occidente hasta los montes de Cantabria y Palencia, una escelente noticia para la especie.
Les abiyotes, castañes, fayucos y ablanes son vitales por que los osos y otres munches especies puedan faer atroxu d’enerxía para encarar los duros meses del iviernu. Esta seronda, el nuesu Equipu de campu ta recoyendo frutos serondiegos en distintos altores y zones del cordal Cantábricu, principalmente castañes, que van ser analizaos para conocer meyor les sos propiedaes nutricionales.
Unu de los oxetivos ye entender meyor la importancia para la ecoloxía de los osos de les más de 40 variedaes autóctones de castañales conocíes nes árees oseres. Ye un trabayu que desenvolvemos en collaboración con investigadores de la Universidá d’Uviéu, nel marcu del proyectu Castañes, Osos y Desenvolvimientu Rural’ y d’otres llínees d’investigación. Una bona base de conocencia científica ye esencial para siguir avanzando nel caltenimientu del osu pardu.
El proyectu ‘Castañes, Osos y Desarrollu Rural’ desarrollase col sofitu de la Fundación Biodiversidad nel marcu del #PlanDeRecuperación #ProyectosPRTR , el Principado de Asturias y la Fundación Caja Rural de Asturias .
Participen como socios la Universidad de Oviedo – UniOvi , la Fundación Oso de Asturias , SEO/BirdLife y la Fundación Camino Lebaniego
