- Fonte: El Comercio /
El tiempu n’Asturies para esti domingu va siguir trayendo abondoses precipitaciones con una nueva baxada de les temperatures.
El tiempu n’Asturies para esti domingu, 8 d’avientu va siguir cola llínea iverniza dende primer hora de la mañana con nubosidá, precipitaciones y nevaes, amás d’aguaxe y vientos fuertes na mar. Esti domingu, anque van siguir baxando un pocu más les temperatures y, con ello, la cota de nieve, va ser una xornada con abondoses precipitaciones que podríen aportar a persistentes nel cordal y otres zones del terciu sur asturianu, ya inclusive localmente fuertes nel sector oriental.
La cota de nieve va baxar hasta los 800 metros esperándose nevaes bien bayuroses especialmente nel oriente del Principáu. Los vientos van soplar de componente norte con raches moderaes que tamién van acabar siendo fuertes especialmente na mar y en poblaciones costeres onde, por momentos, podríen llegase a algamar los 90 km/h.
Ye por ello, polo que van tar activaos los avisos naranxes tantu na mar como nel cordal, por fuertes vientos y por aguaxe d’hasta 7 metros d’altor, como por fuertes nevaes respectivamente.
Mañana llunes vamos siguir con tiempu ivernizu. Les nevaes van rondar los 900/1000 metros pudiendo xubir a los 1200 o 1300 metros a mediudía, anque con enclín a baxar nuevamente de cara al tramu final del día.
El martes y el miércoles tamién va nevar a partir de los 800 o 900 metros d’altor.
