Nel videu de ‘Busindre Reel 25′ d’Hevia grabáu en Xixón y Llanes, collaboren Mariluz Cristóbal Caunedo, la Banda Gaites Candás y la Banda Gaites Llacín.
#busindrereel25 #25aniversarioplatinumeuropeaward #TierraDeNadie #Llanes #asturias Banda Gaites Llacín Asturies Banda Gaites Candás Mariluz Cristóbal Caunedo #festival #musicacelta
L’aniversariu de ‘Busindre Reel’
- Fonte: MusicAsturiana
Hevia sigue celebrando’l 25 aniversariu de Tierra de Nadie. Dempués del so conciertu especial na Semanona de Xixón, publica agora’l videoclip ‘Busindre Reel 25‘, una vuelta al míticu tema col que llegó a enllenar los escenarios de dientro y fuera’l país. La pieza audiovisual ye obra del director Jhonny Gleez, ta grabada nos Bufones de Pría de Llanes y inclúi, amás, imáxenes d’archivu y del conciertu d’esti branu. Nél collaboren Mariluz Cristóbal Caunedo, la Banda Gaites Candás y la Banda Gaites Llacín.
José Ángel Hevia (Xixón, 1967) ye’l gaiteru asturianu más popular de tolos tiempos. La so carrera entamó bien ceo y xorreció per tol mundu en 1998, cuando asoleyó Tierra de Nadie, álbum col que llegó a vender n’Europa 1.750.000 copies, un fechu que lu llevó a ser gallardonáu col Platinun Europe Award va 25 años. Con namás 7 años entamó a tocar la gaita y nestes décades d’actividá foi fundador de bandes de gaites, ganó los premios más prestixosos del mundu y foi ún de los precursores de la gaita midi. Representó a la cultura y a la llingua d’Asturies n’escenarios de tol planeta a los que llevó la so propuesta musical qu’amesta pieces populares, composiciones propies y soníos electrónicos y new age. La publicación d’esti ‘Busindre Reel 25’ -que ta tamién n’otres plataformes musicales- ye un homenaxe a esta exitosa carrera.
