«Suben les temperatures col vientu ábrigu»
- Alborecemos col cielu empuercáu de nubes altes ya con unes tempertures condicionaes poles iversiones térmiques, ente los 4ºC y los 13ºC, rexistrándose nel puirtu Payares 1,8ºC.
- Güei l’aire ábrigu que yá ta soplando en zones de montaña va dir ganando terrén pa notase a primera hora de la tarde nel restu d’Asturies cuando les temperatures puen subir hasta los 18ºC dexándonos un ambiente mui seliquino, nel cielu seguiremos teniendo nubosidá alta sin más consecuencies.
- Mañana miércoles soplará con más fuercia, sobre too al finar el día con unes temperatures que siguen subiendo, sobre too les mínimes al desaparecer les iversiones térmiques pol mor del aire. El cielu va tar empuercáu de nubosidá media-alta que sedrá más abondosa na fastera surocidental d’Asturies y cordelera.
- El xueves la entrada d’una vaguada atlántica pel Cantábricu va apurrinos precipitaciones moderaes a partir de media mañana, amás l’aire va dir rolando a componente norte y les temperatures descenderán, asina como la cota de nieve qu’anicialmente va tar nes cumes más altes pa dir baxando a lu llargu’l día hasta los 1200m.
- El vienres meyorará cola apertura de grandes claros o abancios, el sábadu va tar escampláu o poco nuboso con xelaes nel alborecer y paez que’l domingu pue metenos dalgo de nubosidá baxa o estratificada nel llitoral y fastera central asturiana l’aire de componente norte anticiclónico.
Semeya que mos l’apurre la nuesa collacia María Suarez.
