Dende’l Tiempu n’Asturies vos queremos desearunes Prestoses Fiestes Navidiegues
pa toes y toos, muncha paz y amor que desgraciadamente fae muncha falta.
- El Tiempu n’Asturies.
» Nubes pero sin lluvia»
- Alborecemos col cielu cubiertu por nubosidá baxa ya con unes temperatures que tan alrodiu de los 8ºC, rexistrándose nel puirtu payares 1,1ºC.
- Güei vamos tener nubosidá de tipu baxo que dirá dixebrándose pela tarde pa dexanos el cielu con dellos claros o abancios. Les temperatures subirán dalgo y l’aire sedrá sele ya variable.
- Mañana miércoles, día del nadal, veremos dalgo más el sol anque tovía, a primeres hores, tendremos nubosidá de tipo baxu que dirá dixebrándose a lu llargu la mañana pa dexanos un día soleyeru y perguapu con unes temperatures másimes n’ascensu ya col aire que seguirá siendo sele ya variable. Al finar el día surdirán nublines y borrinos no fonderu los valles.
El xueves, vienres y sábadu tendremos un tiempu mui asemeyáu con borrinos ya nublines peles nueches y a primera hora, pa dir dixebrándose a lu llargu la mañana y dexanos el cielu con grandes claros o abancios con unes temperatures que van caltenese fresques empobinándonos un ambiente más bien ivernal.
Más a llargu plazu de momentu nun se ven camudos importantes y paez que podríamos seguir con esti tiempu de «nin fu, nin fa» pero esto yá lu diremos viendo.
