» Se confirma la entrada fría a partir del sábadu,
vayan sacando gorros ya guantes, ya afilando los skis «
vayan sacando gorros ya guantes, ya afilando los skis «
- Alborecemos col cielu nuboso y delles nublines no fonderu los valles con unes temperatures que tan alrodiu de los 11ºC, rexistrándose nel puirtu Payares 4,5ºC.
- Güei van dir dixebrándose les nubes baxes a lu llargu la mañana pa dexanos nel cielu nubes ya claros o abancios nes hores centrales del día con unes temperatures que suben dalgo ya col aire que sedrá sele ya variable.
- Mañana xueves tendremos intervalos nubosos de nubes medies y altes entemecides ente dellos claros con unes temperatures en nidiu ascensu, amás l’aire volverá a ser sele ya variable.
- El vienres sedrá’l meyor día de la selmana con grandes claros o abancios nel cielu y temperatures suaves.
- Y a partir del sábadu lléganos l’iviernu de sópitu cola entrada d’un frente fríu durante l’alborada que mos dexará precipitaciones abondoses, fuertes vientos, un descensu moderáu de les temperatures y nevaes na cordelera perriba de los 1200m.
- El domingu s’intensificarán les precipitaciones ya xarabatos pudiendo ser llocalmente fuertes y persistentes, amás les nevaes van ser mui copioses na cordelera perriba de los 1000m. Situación que pue estendese al llunes, martes y gran parte del miércoles con un descensu bultable de les temperatures, amás de descender la cota de nieve a los 700m.
