Asturies encadena tres años de crecedera demográfica y caltiénse percima del millón d’habitantes, pero sigue lloñe de la so cifra histórica. Solo un conceyu supera cada añu’l so techu de población. Ye Siero que cerró 2025 con 53.000 vecinos. Asturies raspia yá’l 1.220.000 habitantes.
Asturies gana población, pero sigue lloñe de les sos cifres históriques. Entá asina, l’enclín recién ye positiva. La clave ta, según los espertos, na llegada de población dende l’esterior.
Una crecedera que, señala Ícaro Grueso, profesor del Departamentu de Xeografía de la Universidá d’Uviéu, pue asumir el territoriu.
L’aumentu nun ye igual en tola rexón. Conceyos como Siero lideren la crecedera, con Uviéu, Xixón o Llanera. Les razones son una bona conexón, relieve favoratible y cercanía al empléu.
Nel otru llau, conceyos como Proaza o Santu Adrianu siguen bien lloñe de los sos máximos históricos.
Iguar la situación nun va ser darréu, pero asegura Grueso, hai marxe d’actuación.
Una crecedera posible, pero desigual, que va siguir dependiendo del equilibriu ente desenvolvimientu, territoriu y oportunidaes.
