Cola apaición del Homo sapiens, pasando pol paleolíticu, el mesolíticu, el neolíticu, ufff… en fin… la hestoria del vestuariu y la moda siguen el so camín. La hestoria, cultura ya identidá, ensin dala dulda tamién se cunten al traviés del vestuariu. Te dexo equí esti bellu percorríu visual de la evolución de la moda dende 1900. ¿Cuál yera la to moda na mocedá?
La Camisa María Luisa ye una “réplica” de la camisa minera, presente en milenta cases asturianes, prenda icónica de les cuenques. Pa nós, el valor d’esta camisa ye inmensu. Representa a la clase trabayadora asturiana, a un territoriu y a una forma de ser.
/
El mio nome ye Constantino pero llueu lo encurtiaron para llamame Cos. Siempres tengo les manos ocupaes, crear con elles ye la mio pasión. Por esa razón dende bien pequenu empecé a esperimentar con teles. Aprendí a coser cola mio madre, a la que recurro sistemáticamente por que dea el vistu bonu a lo que faigo. Estudié minuciosamente la hestoria de la moda y la mio afición pola recreación histórica llevóme a papame y afondar na indumentaria tradicional. Siempres que podemos utilizamos materiales sostenibles. Tamos venceyaos a la tierra y al mundu rural, nun entendemos el nuesu proyectu ensin tener toes estes premises presentes.
