Un equipu d’investigadores de la Universidá d’Uviéu empobináu pol Dr. Carlos López-Otín llogró descifrar el xenoma de l’aguamala (medusa) inmortal, Turritopsis dohrnii, y definió diverses claves xenómiques que contribúin a estender la so llonxevidá hasta’l puntu d’evitar la so muerte. L’estudiu publicóse güei na revista americana Proceedings of the National Academy of Sciences (USA).
Esta diminuta aguamala, de tan solu unos pocos milímetros de llargor, tien la estelante capacidá de revertir la dirección del so ciclu vital escontra un estadiu anterior asexual llamáu pólipu. La inmensa mayoría de los seres vivos, tres la etapa reproductiva, avancen nun procesu característicu d’avieyamientu celular y tisular que remata cola muerte del organismu. Sicasí, T. dohrnii tien la facultá d’escoyer otru camín: revertir el so ciclu vital y remocicar.
No tiene cerebro 
ni corazón 
pero posee la capacidad de vivir para siempre.
