Alborecemos col cielu cubiertu por nubes baxes y dalgo d’orpín, sobre too na fastera nororiental d’Asturies con unes temperatures que tan alrodiu de los 9ºC, rexistrándose nel puirtu Payares 1,6ºC.
Güei vamos tener abondosa nubosidá baxa que mos pue dexar precipitaciones febles en forma d’orpín durante la mañana, sobre too na fastera centru-oriental con unes temperatures másimes en descensu y col aire de componente norte sele en xeneral.
Mañana sábadu vamos tener un día mui asemeyáu, sicasí ye probable que veamos más el sol anque les precipitaciones sedrán más estenses y afeutarán tamién pela tarde con unes temperatures que camudarán poco o subirán llixeramente.
El domingu va tar dalgo meyor con intervalos nubosos y la posibilidá de dalguna gotera ocasional y dispersa, l’aire tenderá a ser del nordés sele en xeneral.
