La Camisa María Luisa ye una “réplica” de la camisa minera, presente en milenta cases asturianes, prenda icónica de les cuenques. Pa nós, el valor d’esta camisa ye inmensu. Representa a la clase trabayadora asturiana, a un territoriu y a una forma de ser.
Esta camisa ye una camisa pa trabayar. ?Inspirada nes clásiques camises de trabayu que toes tamos acostumbraes a ver nes nuestres cases. La camisa qu’usaben pa trabayar na mina, nos talleres, na fábrica y tamién na güerta, pa dir a la yerba, pa atender el ganáu o pa facer apaños dientro y
fuera casa.
✊?La camisa Maria Luisa tien nome de muyer porque tamién ye un homenaxe a toles muyeres que trabayaron na sombra, en minoría, en sectores masculinizaos y en desigualdá de condiciones. Gracies por abrinos camín.
⚒ La camisa María Luisa ye fuerte, mui resistente, fecha p’aguantar un llaváu tres otru. Ye una camisa pa que dure, como yeren estes camises enantes y como
queremos que seya esta agora. ✨Elegante, versátil, resistente y fabricada n’Asturies con muncho procuru y remangu??
Güei fai 28 años del mayor accidente de la minería asturiana 
Una explosión de grisú nel Pozu Nicolasa (Mieres) llevaba per delantre a 14 mineros. Respiga pensalo, la verdá. Esto ye historia d’Asturies, y esta camisa ta inspirada nuna parte importantísima de la historia de la nuestra tierra.
