El 21 d’abril celebramos el Día Mundial de la Creatividá y l’Innovación col fin de concenciar del papel que xueguen nel desenvolvimientu de les persones.
- Fonte: UN /
La creatividá ye’l motor de les nueses idees y emociones, según la nuesa capacidá para conectar, cuestionar y ser entendíos. Pero la cultura y la creatividá son muncho más qu’una espresión de les nueses identidaes, son medios de vida, carreres profesionales y oportunidaes económiques para millones de persones en tol mundu, especialmente muyeres, nueves y grupos vulnerables. La economía creativa tien el poder d’impulsar el desenvolvimientu sostenible.
Un nuevu impulsu para los ODS
Nel Día Mundial de la Creatividá y l’Innovación, convidamos al mundu a faer so la idea de que la innovación ye esencial para aprovechar el potencial económicu de les naciones. La innovación, la creatividá y l’espíritu empresarial de mases pueden dar un nuevu impulsu a la consecución de los Oxetivos de Desenvolvimientu Sostenible (ODS). Puede favorecer la crecedera económica y la creación d’empléu, coles mesmes qu’amplía l’abanicu d’oportunidaes para toos, incluyíes les muyeres y la mocedá. Puede apurrir soluciones a dalgunos de los problemes más acuciosos, como la erradicación de la probeza y l’eliminación de la fame. La creatividá y l’innovación humanes, tantu a nivel individual como de grupu, convirtiéronse na verdadera riqueza de les naciones nel sieglu XXI.
