Queda menos d’una selmana pal 8 setiembre y el gobiernu del Principáu d’Asturies yá presentó los actos oficiales colos que festexar el día’l país. Los conceyos occidentales de Vilanova d’Ozcos, Santalla d’Ozcos y Samartín d’Ozcos van ser l’escenariu d’una montonera d’actividaes de toa triba ente les que destaquen los conciertos. Concretamente, van ser ocho les actuaciones venceyaes a la música n’asturianu y gallego-asturiano que se van celebrar ente’l 6 y el 8 setiembre: l’espectáculu A lluz, Orión e a Nova Lluz, Ún de Grao, Nacasa Trío (banda formada por Tania Pereira, Vero Rubio y Rita Ojanguren), Ferla Megía, Banda de Gaitas Marino Tapiega, Llan de Cubel, Cuartetu “Celthair” de la OSPA y Fesoria a les Ortigues. La programación completa pue consultase equí y esti ye un resumen de les cites musicales:
Vienres 6. Vilanova d’Ozcos (Convento de Santa María)
- 17.30 h. Espectáculu A lluz, Orión e a Nova Lluz
- 18.30 h. Ún de Grao
- 20.30h. Nacasa Trío (banda formada por Tania Pereira, Vero Rubio y Rita Ojanguren)
- 21.30h. Ferla Megía
Sábadu 7. Santalla d’Ozcos
- 17.30h a 20:00 h. Pasacáis de la Banda de Gaitas Marino Tapiega
- 20.30h. Llan de Cubel
Domingu 8. Samartín d’Ozcos
- 13h. Cuartetu “Celthair” de la OSPA
- 14h. Fesoria a les Ortigues
