- Imaxe /
? Tamién tamos celebrando’l Día Internacional del Chocolate que se celebra n’honor a la nacencia de Roald Dahl, autor de «Charlie y la Fábrica de Chocolate».
«Si pienses llegar a dalguna parte na vida,
tienes que lleer munchos llibros». Roald Dahl
«Los llibros tresportábenla a nuevos mundos
y amosáben-y personaxes estraordinarios
que vivíen unes vides escitantes». Matilda, de Roald Dahl.
Nos enllaces de baxo dexámosvos montones d’actividaes para celebrar colos pequeños llectores.
Adelantrámosvos unes cuantes anécdotes ya intereses qu’atoparais nesos documentos:
? Roald Dahl nació’l 13 de setiembre de 1916, en Reinu Uníu. Brillante, políticamente incorrectu y risonderu, el so estilu, ente lo fantástico y lo realista, caracterizase poles grandes dosis d’humor negro con qu’envolubraba los sos relatos.
? Munches son los intereses que marcaron la so vida:
Gran amante de l’aventura, foi esplorador, vendedor ambulante y pilotu de la Royal Air Force na Segunda Guerra Mundial.
? Acostumaba a cuntar cuentos a los sos cuatro fíos, que de cutiu se convertíen en noveles, dalgunes de les cualos fuéronse llevaes al cine.
? Escribió los guiones de delles películes de James Bond.
? Midía casi dos metros d’altor, el so aspeutu yera degaxáu y escribía nuna caravana («la cabana d’escribir»), sentáu nun sillón con una tabla sofitada nos reposabrazos. Nun dexaba pasar a naide salvu a Quentin Blake, el so ilustrador.
? Foi un home intenso y lleno de contradicciones. Un filántropu, un cascarrabies almirador del universu infantil, un tienru cínicu, un maleducáu y un engañador.
? Finó en 1990 por causa de xuna leucemia, pero caltuvo intactu hasta’l final de la so vida dalgunu de los sos vicios como’l chocolate. Foi’l so únicu pactu colos médicos.
Nesti enllaz dexámosvos la entevista pantasma que-y fiximos y un montón de talleres y actividaes sobro la so obra.
Y el Plan Lector de centro Roald Dahl: https://www.loqueleo.es/…/275f9cd4ac6fb6b9e0fdef082b0b6e77
