La Galería Oficial d’Indumentaria 2024 ye un trabayu documental magníficu del nuestru fotógrafu Ojos de Hojalata. Esta colección de semeyes nun diba poder facese ensin la participación de les persones que concursen enseñando los sos traxes al mundu como una manifestación de patrimoniu cultural asturianu vivu.
Gracies a elles y ellos, –y al Ayuntamientu de Grau y a la Caja Rural de Asturias–, queda constancia del grandísimu trabayu de les cordureres, de les texedores, de les plateres y azabacheros, de los madreñeros del país, y de munchos otros artesanos y artesanes que fixieron posible otra edición más, bien guapa, del Concursu Indumentaria.[Estes semeyes tan feches con intelixencia natural nun se permite l’usu nin modificación, de nenguna manera, con intelixencia artificial, nin por naide diferente de los llexítimos propietarios].
