- Turismo Asturias / Información / Del 17 al 27 d’ochobre
Xornáes Gastronómiques de «El Desarme» n’Uviéu, (Fiesta d’interés Turísticu Rexonal) el Menú de La Paz dende 1836. Y tamién: recreación histórica de les batalles, conferencies, desfiles y muncho más.
- MENÚ: Garbanzos con bacaláu y espinaques / Callos al estilu Uviéu / Arroz con lleche
Los oríxenes de la fecha de celebración –19 d’ochobre– se remonten a la guerra Carlista de 1836 cuando dos intentos de volver tomar Uviéu n’ochobre fueron refugaos poles fuerces lleales a la Constitución. Les autoridaes rexonales gasayaron a la soldadesca con una fiesta y la convidada a un ranchu estraordinariu” qu’a partir d’entós repitióse cada añu’l 19 d’Ochobre.
En 1876 conclúi definitivamente la guerra carlista, dempués de 43 años de guerra, y formalízase el desarme y la desmilitarización de la población. Entamase festexos en toles ciudaes y pueblos d’España y les autoridaes convidaron a llacuaes/comides populares. Al ser vixilia, el ranchu consistió nun cocíu de vixilia: potaxe de garbanzos con bacaláu/abadexu, pos la carne nun taba dexada eclesiásticamente.
Esi añu (1876), el 19 d’ochobre, al entamar los actos n’honor a los milicianos finaos en 1836, establezse que’l ranchu qu’había qu’espachar a les tropes participantes fora “el mesmu que’l día del desarme”.
En 1897 disputes ente los organizadores fixeron que nun s’entamaren actos militares nin el popular ranchu cuarteleru. Ye entós cuando los hosteleros d’Uviéu empiecen a preparar nos sos establecimientos el Menú del Desarme. Pasaba asina a la hostelería.
