Merce Santos (zanfonía) David Varela (acordión, percusión y voz), Santi Caleya (saxo y gaita) y David Caxellos (contrabaxu)
El grupu «La Bonturné», cola tema «Odisea la nui», na so llínea de bal-folk –folk bailladera– que-yos caracteriza, llevóse ayeri’l Premiu «Camaretá al meyor cantar» na so decimosesta edición, nuna gala que se celebró nel Teatru de la Llaboral. la Laboral.
- Aspiraben tamién al galardón, promoviu pola Conseyería de Cultura, Política Llingüística y Deporte, Héctor Braga, Susana Gudín y «Ferla Megía», en pasando la selección previa del xuráu, compuestu por Alicia Álvarez, Xicu Ariza, Penélope Miranda, Andrea Joglar y Emma Posada.
- El Premiu «Camaretá al Meyor Cantar» que se llevó’l grupu compuestu por Merce Santos (zanfonía) David Varela (acordión, percusión y voz), Santi Caleya (saxo y gaita) y David Caxellos (contrabaxu), ta dotáu con 6.000 euros y busca «consolidar, prestixiar y arriquecer la creación musical tantu n’asturianu como en eonaviego». Amás el grupu ganador va integrase nel circuitu Autores nel Camín.
- Na gala d’ayeri en Xixón cuntóse tamién cola actuación de l’artista ganadora de la edición anterior, Vero Rubio, qu’interpretó «Dixo miou padre» y presentó dalgunos de los sos últimos trabayos.
Hestoria de Penélope nunca cuntada.
Cuentos insolventes, de Paco Álvarez
Cuentos insolventes, de Paco Álvarez
«El mesmu día que la mar y los dioses devolvieron a Ulises a Ítaca, Penélope, que ya dirixía la mayor cadena testil del Mediterraneu oriental, pidió-y el divorciu. Na llarga espera, texendo y destexendo día y nueche pa espantar a los pretendientes moscones, la muyer deprendiera l’oficiu de texedora y el beneficiu de vivir independiente, ensin llorar l’ausencia d’Ulises, esi marineru aventureru y xostrón qu’agora, al cabu de venti años, volvía a casa borrachu d’odisees y fediendo a perfume barato de serena. Dempués, ta claro, Homero terxiversó la hestoria»
Tamos encantaos de qu’esti testu cayere nes nueses manes, pero más entà que Paco Álvarez se cruciase nes nueses vides.
A LA BONTURNÉ y tol equipu que nos arrodia fíxonos abondo ilusión recibir esti Premiu Camaretà, pol so significáu y tamos viendo qu’hai bien de xente que s’allegra por ello, cosa que nos fae si quier más felices.
Siempres ye bono compartir escenariu con músicos del altor d’Héctor Braga , Susana Gudín, Ferla Megía, Vero Rubio y les bandes que les acompañen, de tanta valía y talentu, exemplu de la bona calidá na música n’asturianu y que como tantes compañeres y compañeros, ya son un premiu en sí mesmo.
Gracies fonderes a tola xente que s’esmolez n’echar alantre esti reconocimientu y la gala de los finalistes, Conseyería de Cultura, Política Llingüística y Deporte, al xuràu, A Mansalva, Laboral Ciudad de la Cultura, presentaores, Tpa, musicasturiana.com, prensa, RRSS, personal téunicu, cámaras y produción…
Gracies a les nueses families, a tol equipu que forma parte d’esti entramáu musical nuesu y tola xente que sigue puxando a diariu pola normalización, caltenimientu y oficialidá del Asturianu. Garramos aliendu…
