La programación navidiega va arrincar esti vienres col encendíu de lluces

• Fonte: El Confidencial / Videu 2023

El mercáu navidiegu más guapu d’Asturies que ye perfectu para vivir en familia: con pista de xelu y carpa d’enchibles. La programación navidiega va arrincar esti vienres, 29 de payares, cola inauguración del encendíu de lluces, que va coincidir cola instalación de más de cien casetes que busquen dar un espaciu a los artesanos locales.

Los díes son más curtios, y les xelaes nocherniegues empiecen a faese notar (anque anguaño llegaron con retrasu). Los madrugadores salen a la cai bien forníos colos guantes y el gorru, un pack indixebrable mientres estes feches. Les places de diverses ciudaes d’España y Europa tresfórmense n’escenarios máxicos, onde la Navidá cobra vida ente l’arume de les castañes asaes y un titilante carrusel de lluces qu’engalanen les cais más allegaes.

Una de les paraes imprescindibles mientres los díes festivos son los mercaos navidiegos, que se convierten nun puntu d’alcuentru pa pareyes, familiares y amigos, qu’adelantren les sos compres, busquen nueves figures pa los sos belenes y allántense colos villancicos, que son la meyor banda sonora pa un paséu sele.

Toles actividaes para esfrutar con neños.  El mesmu día, va celebrase l’espectáculu itinerante Estrelles, que va empezar na plaza de La Catedral y va percorrer delles cais de la ciudá, llevando la maxa y la guapura de la Navidá a tolos rincones del centru. Amás, va haber un animáu pasacais al cargu de la Banda de Música Ciudá d’Uviéu y de la Real Banda de Gaites, quien van añedir ritmu y tradición a la celebración coles sos interpretaciones musicales.

Anguaño, un total de 104 casetes van envolubrar de maxa l’antigua muralla medieval sobro la que se llevanta la torre del reló del Conceyu. Dende’l 29 de payares y hasta el próximu 6 de xineru, la plaza d’Alfonso II El Castu, la cai Eusebio González Abascal y la plaza Porlier van acoyer una gran variedá de puestos d’artesanía y otres, con dulces típicos como los carbayones o casadielles, tamién disponibles pa celíacos, que conviden a esfrutar de les tradiciones gastronómiques d’Asturies.

L’horariu d’apertura de les casetes ye de llunes a xueves, de 12 a 14 y de 17 a 20 hores. Los vienres, sábados y víspora de festivos va abrir les sos puertes de 12 a 14.30 hores, y de 17 a 21 hores. Los domingos y festivos, va recibir al públicu de 12 a 14.30 hores y de 17 a 20 hores.