La conseyera de Cultura, Política Llingüística y Deporte, Vanessa Gutiérrez, presentó esta mañana en rueda de prensa la programación de Les Mazcaraes d’Iviernu nel Muséu de Belles Artes d’Asturies.
Aguilandeiros de San Xuan de Villapañada, 14 d’avientu El Guirria y L’Aguilandu de San Xuan de Beleño, 1 de xineru Os Reises del Valledor, 4 de xineru Domingu de Sidros y Comedies, 12 de xineruLos cuatro cites cuntáronse y celebráronse ayeri nel Muséu de Belles Artes d’Asturies, onde se presentó, con presencia de la conseyera de Cultura, Vanessa Gutiérrez, les mazcaraes d’iviernu, una manifestación cultural de la que n’Asturies entá queden espresiones, como tamién queden per Europa. Como espliquen los espertos, son tradiciones que reflexen la forma de festexar nos pueblos, onde utilizando materiales comunes y ferramientes d’usu cotidianu los mozos amarútense componiendo personaxes que percuerren el pueblu y les viviendes realizando acciones provocadores y solicitando, la mayoría de les vegaes, l’aguilandu.
Cola presentación, arrodiaos de pintures de carnavalaes asturianes, dende la Conseyería quíxose sofitar un patrimoniu inmaterial sobre’l qu’en curtiu va trabayase por que se reconoza como BIC (bien d’interés cultural). Convido a tola ciudadanía a que participe, que les esfrute, les viva y súmase a la so dignificación, socialización y tresmisión».
- / programa RTPA /
El pasu d’un añu que termina a otru qu’empieza significa dende tiempos ancestrales el tránsitu dende la escuridá a la lluz. Un periodu conocíu polos etnógrafos como Mazcaraes d’iviernu. Una serie de ritos festivos, d’orixe paganu, que persiguen abolir un tiempu vieyu y preparase pal nuevu periodu. N’Asturies güei caltiénense vives un total de seis mazcaraes.
