- Fonte: MusicAsturiana / Spotify / portada discu /
Esther Fonseca entamó’l so camín musical de la mano de so pa, Nacho Fonseca, fundador de Xentiquina. En 2005, publicó’l so primer trabayu, Agua y, col grupu folk Llangres, grabó Esnalar (2005) y Entá (2008). En 2007 asoleyó’l trabayu en solitariu Viaxe, un álbum con composiciones de Nacho Fonseca y direición musical d’Emilio Huerta -qu’amás fae los coros y toca los teclaos-. Xunto a ellos, los instrumentistes Peter Bulla (vigulín), Javi Monge (guitarres y baxu), Yago Prado (guitarra acústica y arpa céltica), Manu Fonseca (flautes), Juanjo Díaz (percusiones), Tamara Rodríguez (violonchelo), Tina Cuadriello (acordión), Ramón G. Morán (saxo), Dani Álvarez (gaites), Luis García (clarinete) y Jacobo Vázquez (coros). La voz d’Esther Fonseca yá puede sentise dende toles partes del mundu nesti discu que suena a señaldá y raigañu.
