El preciu de los güevos dispárase un 30% nel últimu añu.
L’aumentu de los costos de producción y la mayor demanda impulsen la xubida.
El preciu de la docena de güevos yá ronda los 4 euros y mediu. Ye unu de los productos básicos de la cesta de la compra que más s’encarecieron nel últimu añu señalen Luis del Ríu García, comerciante de Ribesella; Álvaro Cuetos, responsable de la Panadería Geli (Xixón); y Fran García, de la Carnicería García (Avilés).
Ente les causes d’esti aumentu, según los espertos, ta la medría nos costos de producción y la cada vez mayor demanda d’esti productu que ta de moda apunta Emilio Martínez, presidente de l‘Asociación pa la Recuperación de la Pita Pinta Asturiana.
Un alimentu básico, qu’a pesar del preciu, les families siguen mercando aseguren Ondina Menéndez y Ánxeles Beusher, vecines d’Avilés.
Los espertos nun preven xuna baxada al curtiu plazu, una y bones la combinación d’alta demanda y dificultaes na producción caltien los precios en niveles elevaos.
