Esperamos una xornada na que, anque vamos poder amanecer con dellos intervalos de nubes altes, conforme meyora la mañana los cielos dirán llimpiándose de nubes y el sol va ser l’únicu protagonista. Les temperatures van xubir sobremanera nel interior. Les máximes van xubir hasta 5 o 6 ºC especialmente na metá sur asturiana. Tamién va ser significativu l’ascensu nel restu del interior y, de forma más moderada o llixera na mariña. Les mínimes van esperimentar un llixeru descensu. Los vientos van ser fluexos polo xeneral.
El sábadu volveremos esfrutar d’una xornada soleyera en tol Principáu. Amás, les temperatures volverán xubir y van facelo de forma notable. Hasta 6 ºC nuevamente al respective de les qu’anotemos el vienres. Nesti casu, l’ascensu va ser muncho más significativu na metá norte que na metá sur. Les mínimes tamién van xubir. D’esta forma, la diferencia térmica de les máximes ente les anotaes el xueves y les que se van anotar el sábadu va poder superar los 10 ºC. Con éses el sábadu superarán los 25 ºC na rexón.
El domingu van baxar, volverán xubir el llunes y van baxar de forma importante’l martes con nieve a 1000 metros.
