Van baxar les máximes ente 4 y 5 ºC nel terciu occidental, y ente 2 y 3 ºC nel restu salvu na mariña oriental onde se van caltener ensin cambeos. Esperamos unes temperatures prestoses que nun van llegar a los rexistros del llunes pero que, en munches localidaes, volverán superar los 25 ºC. En cuanto al estáu de los cielos, prevense cielos pocu nublos pela mañana cola presencia, a lo sumo, de dellos intervalos de nubes altes. Pela tarde va aumentar la nubosidad dende’l sur y prevense bastios d’orixe tormentosu que van ser más frecuentes y probables nel oeste y nel cordal, pero nun se refuguen nel restu de forma puntual. Los vientos van soplar de sur.
La umbada va impulsar una masa d’aire bien templao y cargada de polvu en suspensión sobro esta primer parte de la selmana, polo que les agües van dir acompañaes de barro.
