El desconocimientu de la normativa ambiental, los vertíos de basura o’l contactu desaveniente con ganáu o fauna xabaz son los errores más comunes que comete’l turista en zones de monte.
Asina lo dicen los informadores ambientales que la Fundación Osu d’Asturies tien sobre’l terrén esta Selmana Santa. Son cuatro técnicos que cumplen un llabor informativu y d’asesoramientu al visitante, ufiertando pautes pa percorrer la redolada con respetu y seguridá.
Paula Fernández y Alba Martínez son dos de les informadores ambientales de la Fundación Osu d’Asturies nesta Selmana Santa.
El so papel, asesorar al turista sobre cómo esfrutar de la redolada natural ensin alterala. Dexar coches mal aparcaos, tirar basura, dar de comer al ganáu o entrar en contactu con perros guardianes son, dicen, dalgunos de los errores más comunes.
Trabayen en concenciar y en sopelexar respetu hacia’l mediu natural, y ufierten pautes de seguridá pa transitar per rutes de monte.
Encamientos tamién pa saber qué faer nel casu d’atopase con animales xabaces, como los osos. Conseyos que’l visitante siempre agradez.
Somiedu, Las Ubiñas-La Mesa y los Valles del Osu son les zones por onde se mueven los informadores, con un llabor que consiste tamién en facer encuestes pa garrar datos y información. Dempués de Selmana Santa van tornar el próximu branu.
