El duru relatu personal d’una profesora asturiana que sufrió agresiones na aula: «Llegues a tener mieu de correxir o mandar xeres». Según un informe sindical, casi’l 80% de los docentes asturianos reconoz vivir un clima conflictivu en clase y el 75,23% repara conductes agresives tamién nes families. LNE
Diez de la mañana na aula de sestu de Primaria d’un colexu asturianu. La so tutora, Carmen García (nome ficticiu de quien cunta una hestoria real), anuncia un exame. Ye entós cuando xuno de los sos alumnos empieza a faltala. «Dar dalguna orde dientro de la rutina diaria del colexu conviertese n’una odisea», recuerda la profesora. Tolo que nun fora del presto del alumnu terminaba con dalgún tipu d’agresión verbal: «Llegabes a tener mieu al correxi-y actitúes o manda-y faer xeres».
El de García nun ye un casu aislláu. Según un informe de la confederación de sindicatos d’enseñanza STEs (na que s’engloba l’asturianu SUATEA), el 79,13% de los profesores asturianos reconocen vivir so un clima de conflictividá nes sos aules. «Yo vi cómo esti alumnu pegaba a otru profesor, y nun sabes cómo intervenir», esplica García. «Yera un neñu de 11 años, con fuerza ya incapaz de xestionar la frustración», rellata. Los datos, amparaos pol estudiu, amuesen un panorama que va n’aumentu: casi ocho de #cada diez docentes manifiesten enfrentase cada vez a más agresiones físiques y verbales nel Principáu, según el mesmu estudiu.
«Lo qu’atopamos en clase son bastantes alumnos con trestornos graves de conducta; trátase de neños bien difíciles de controlar, xeneralmente con muncha agresividá», esplica esta docente asturiana, que reconoz sentise «sola» ante esta situación: «Nun tenemos el respaldu de la Conseyería». Tampoco’l de munches families.
Más datos del estudiu de STEs: el 75,23% de los profesores asturianos ve eses conductes agresives tamién nes families. «Cuando empieces a esquizar un poco ves qu’estos neños, como col que yo tuvi’l conflictu, vienen de families problemátiques», esplica la docente, que reconoz que son «situaciones difíciles» pero que «en nengún casu tienen de pagalo los profesores».
L’estudiu de STEs va más allá. Analiza les causes del malestar docente na enseñanza pública non universitaria» con 13.213 docentes entrevistaos en tol país, de los que solo’l 57,49% califica’l so trabayu como «dignu y fayadizu» una falta de motivación derivada de les situaciones vivíes na aula. «Munchos compañeros opten por coyer una baxa llaboral por ansiedá; y cuando vas a la so aula a cubriles, entiendes munches coses, hai ambientes bien complicaos», comenta Carmen García. En cuanto al salariu, l’informe revela qu’el 88,13% de los profesores considérase desaparente.
Por comunidaes
Magar tener unos porcentaxes de conductes agresives bien elevaos, según l’informe, Asturies nun ye de les rexones peor paraes. Encabeza esta visión na medría d’agresiones per parte del alumnáu Navarra (95,65%), sigui Ceuta (92,59%) y Estremadura (90,48%). A lo cabero taríen Cantabria (73%), Galicia (73,77%) y Asturies, onde’l 77,06% de los profesores manifiestes esta situación.
En cuanto al ambiente conflictivo nes aules, les comunidaes nes que los docentes ven peor clima son Estremadura (90,48%), Cataluña (87,50%) y Ceuta (87,04%). Más discretu ye tamién el porcentaxe de profesionales asturianos que piensa que tán aumentando les agresiones per parte de familiares: 75,23%, frente al 95% del País Vascu o’l 80% d’Andalucía. Entá asina, trátase ensin dulda d’una cifra elevada.
El Comercio / Ocho de cada diez profesores denuncien un aumentu d’agresiones per parte de los alumnos. Sollerten d’una clara meyora de la conflictividá nes aules públiques y d’actitúes contraries y falta de respetu per parte de les families.
El profesoráu de los colexos ya institutos públicos alerta de que se ta xeneralizando un clima d’alta conflictividá nes aules españoles, que provocó un claru empeoramientu de la convivencia escolar, que ta estropiando la calidá de la educación y que ta pasando una enorme factura personal y profesional a los docentes.
La gran mayoría d’estos ataques son verbales, pero tamién se producen agresiones físiques y, según añeden, cada vez con mayor frecuencia.
La resultancia d’esta situación, sorrayen n’una proporción prácticamente idéntica (el 82,6%), ye un clima de trabayu na aula que describen como «conflictivu» y cuandoquier «complicáu».
