Prepárase una prospección xeofísica pa conocer la dimensión de los edificios alcontraos. Una habitación romana decorada con pintura mural y restos d’actividá testil. Ye l’últimu atopamientu de la campaña arqueolóxica en Lucus Asturum, en Llanera. Yá nun tán escavando, pero’l trabayu sigue nel llaboratoriu.
Sigue leyendo «L’últimu atopamientu de la campaña arqueolóxica en Lucus Asturum»
Una nueva especie d’home primitivu. Atopóse n’Atapuerca la cara fósil más antigua d’Europa. Ye un afayu pervalible, que supón identificar una nueva especie d’home primitivu, que se remonta 1.400.000 años. La Universidá d’Uviéu participa na investigación.
Bautizóse como ‘Pink’, pol color arrosao del fragmentu facial atopáu nel xacimientu burgalés. Correspuende al homínidu más antiguu d’Europa, una especie distinta y más primitiva que l’homo antecesor. Esti afayu reinterpreta la cronoloxía conocida hasta agora porque ruempe col paradigma sobre la primer ocupación humana n’Europa.
Detalle del Panel de les Manes / Vueva del Castillo (Cantabria). UNED
️️N’una conferencia, un estudiante universitariu preguntó a l’antropóloga Margaret Mead, cuál consideró que yera’l signu más antiguu de civilización n’una cultura. L’estudiante esperaba que Mead falara de llances, olles de magre o piedres de moler. Pero non, Mead respondió que’l primer signu de civilización n’una cultura antigua yera un fémur que fuera rotu y depués curáu.
Sigue leyendo «Mead, la muyer más influyente nel mundu de l’Antropoloxía»
