- Academia de la Llingua Asturiana/ cartelu
- Noticies: LNE / Astures.es /
- Edificiu Históricu de la Universidá d’Uviéu / 4-7 de febreru del 2025
Cuntando cola collaboración de la Universidá d’Uviéu y del Gobiernu del Principáu d’Asturies, l’Academia de la Llingua Asturiana llanza’l Congresu Mundial de Cultura Asturiana (CMCA25). Un alcuentru concebíu de forma interdisciplinar y amplia: dende l’antropoloxía a les demás ciencies y estudios sociales, d’Asturies a cualquiera de los sos marcos de referencia.
Poro, nel CMCA25 podríen trabayase cuestiones tan estremaes como’l mundu rural, la familia y el parentescu, los procesos d’identidá, el patrimoniu, el paisax,la tradición oral, la ciudá, la cultura espresiva, la pertenencia al Arcu Atlánticu, la educación o’l xéneru.
Un foru au converxer dende les metodoloxíes, visiones y problemátiques más actuales: alredor de la minorización cultural y llingüística; de les periferies del primer mundu nel contestu global; del desaniciu y la resistencia cultural.
Colos estudios sobro llingua, economía, xeografía o hestoria yá consolidaos n’Asturies, González-Quevedo considera que’l terrén de l’antropoloxía y l’etnografía precisaba xuna gran convención como esta.
Magar lo asturiano concentra la mayoría de les ponencies, los espertos internacionales, d’Arxentina, México, Estaos Xuníos, Provenza o restu d’España van apurrir otres idees xenerales sobro l’estudiu de la cultura, metodoloxía y aproximamientos contemporaneos. Nesi sentíu, adelantra González-Quevedo, el CMCA25 pretende tamién ayudar a completar los estudios tradicionalmente empobinaos al ámbitu rural cola antropoloxía urbana contemporanea.
L’Academia estima la collaboración del Principáu d’Asturies pa poner en marcha esta cita y la de la Universidá d’Uviéu, qu’amás -yos venció la see. Les xornaes van desenvolver del 4 al 7 de febreru nel Edificiu Históricu de la institución, n’Uviéu, onde tamién s’agospiará xuna esposición d’Ástur Parés con una visión bien amplia sobro patrimoniu etnográficu asturianu.
que se va celebrar del 4 al 7 de febreru de 2025. Consulta’l programa y tola información sobre’l congresu en: https://alladixital.org/cmca25/
