La campaña «La sidra, como siempre se dixo» ye una de les acciones de promoción y defensa de la cultura sidrera, que la so candidatura a ser Patrimoniu Inmaterial de la Unesco impulsóla’l Gobiernu del Principáu con un sofitu social ampliu. Precisamente, el vocabulariu específicu pa llamar a cada elementu del procesu d’ellaboración y consumu de la sidra ye una parte fundamental de la so identidá y da-y orixinalidá y especificidá. VIDEU
El Muséu de la Sidra de Nava foi l’escoyíu pa presentar la campaña ‘La sidra, como siempre se dixo’, un actu que presidieron l’alcalde y la conseyera de Cultura.
El propósitu de la iniciativa pasa por esparder el particular vocabulariu en llingua asturiana de la cultura sidrera.
Cultura va distribuyir ente les sidreríes el nuevu cartelu, xunto con folletos relativos al palabreru sidreru, y ta previsto repartir 6.000 folletos y 2.000 cartelos per tol territoriu, qu’incluyen una versión del folletu n’eonaviego pa la zona más occidental.
El cartelu fechu fai más de 40 años por Elías Antonio Garrido Barrientos foi actualizáu agora pol dibuxante Ernesto García del Castillo, Neto.
