Naz ‘Maixeira’, un festival para conocer la hestoria del maíz nel Parque Históricu del Navia Tapia acueye esta fin de selmana la primer edición d’esta cita rellacionada cola hestoria y tradiciones d’esti cultivu na contorna. Cartelu Un mercáu artesanu con talleres d’oficios tradicionales, rutes empuestes, meses redondes, música en directu y hasta una comida popular. Un festival venceyáu a la hestoria y tradiciones del maíz que se va celebrar del 30 de xineru al 1 de febreru en Tapia de Casariego. Tierra del Maíz – Maixeira
Esti festival rural naz con vocación d’itinerancia y ta previstu que cada añu se cellebre nun conceyu del Valle del Navia para dar a conocer el patrimoniu históricu, cultural y agroalimentario venceyáu al maíz.
¿Qué significó y qué significa güei el maíz para la nuesa tierra? Nel pasáu, el maíz foi sustentu, memoria y comunidá. Yera l’alimentu que xunía a les families, marcaba’l ritmu del trabayu nel campu y daba soberanía al pueblu . Cada panoya recoyida yera frutu del esfuerzu compartíu, del cuidu de la tierra y del cuidu mutuu ente persones, animales y redolada.
