Categoría: BIC: Bien d’Interés Cultural

🗓️ El BOPA publica güei dos nuevos decretos que refuercen la protección del patrimoniu cultural asturianu. 🏛️ Per un llau, declárase Bien d’Interés Cultural, na categoría de Conxuntu Históricu, La Quinta de la Fundación Selgas-Fagalde n’El Pitu (Cuideiru), ún de los conxuntos patrimoniales más relevantes d’Asturies, pola so riqueza arquitectónica, artística y paisaxística. 🖼️ Amás, reconozse como BIC la colección artística de l’antigua Caja de Ahorros de Asturias, considerada un testimoniu clave del desarrollu del arte asturianu contemporaneu y del mecenalgu cultural na comunidá. 2️⃣ pasos más pa protexer, conservar y poner en valor el nuestru patrimoniu común ✅

• Fonte: Actualidá Asturies /

La Conseyería de Cultura, Política Llingüística y Deporte aprobó les bases para conceder ayudes destinaes a la restauración y caltenimientu de los bienes d’interés patrimonial asitiaos nes brañes asturianes. Les subvenciones tán destinaes a financiar obres de restauración o rehabilitación en bienes inscritos nos catálogos urbanísticos municipales o nel corpus d’Arquitectura Tradicional Asturiana, ellaboráu pola Dirección Xeneral de Patrimoniu Cultural. 

Les brañes son construcciones característiques de l’arquitectura popular asturiana, que’l so modelu constructivu reflexa conocencies adquiríes y tresmitíes de xeneración en xeneración, formando parte del patrimoniu etnográficu asturianu. Asitiaes ente los 700 y los 1.800 metros d’altitú, son habitaes de forma estacional por brañeiros, pastores y vaqueros colos sos ganaos, aprovechando los recursos de camperes qu’ufierten estos espacios. Poro, son llugares de notable interés etnolóxicu y patrimonial.

Sigue leyendo «Cultura va financiar la restauración del patrimoniu de les brañes asturianes» →