Mientres les primeres hores de la mañana vamos tener cielos pocu nublos, pero rápido la nubosidá va dir aumentando dende l’occidente y va dir cubriendo’l cielu asturianu col intre de la mañana. Estes nubes más compactes sobremanera a partir de la tarde cuando la probabilidá de precipitaciones aumente. Anque mientres la mañana nun se refuga dalguna precipitación débil, va ser mientres la tarde-nueche cuando les agües xeneralícense y puedan afectar a cualquier puntu del Principáu. Les temperatures máximes van caltenese respectu al miércoles, salvo nel suroccidente onde llixeramente van ser un poco más baxes. Les mínimes va baxar nel cordal central y zones próximes, ente que nel restu nun van esperimentar grandes cambeos. Los vientos van soplar de suroeste moderaos nel occidente de primeres del día, pero se van afitar de componente oeste a partir de les hores centrales de la xornada, afectando tamién con raches moderaes al restu de la rexón.

Sigue leyendo «El tiempu (El Comercio)» →

Esperamos una xornada na que los cielos van tar bien nublos con precipitaciones de calter débil que podríen faer actu de presencia en cualquier momentu. Ciertu ye que, a midida que meyora la tarde, la probabilidá va ser menor y, inclusive, nun se refuga que pueda abrise dalgún claru dende l’occidente (sobremanera a la fin del día). Los vientos van soplar con cierta fuerza de suroeste-oeste. Concretamente, na mariña y nel sector occidental podríen algamar los 70 km/h. Nel restu del interior les raches podríen llegar a rexistrar los 50 km/h. Les temperatures máximes van xubir 1 o 2 ºC a lo sumo respectu al martes. Les mínimes van xubir de forma xeneralizada y notable cuidao que podríen llegar a anotase unes temperatures mínimes 6 o 7 ºC más altes que güei.

Sigue leyendo «El tiempu (El Comercio)» →

Esperamos una mañana soleyera en tol Principáu d’Asturies previu al pasu d’un frente pocu activu que se preve que va llegar antes de concluyir el día. Poro, vamos esfrutar d’una mañana nel que los cielos van tar azules y, gracies a el protagonismu del sol, les temperatures van recuperase tres el descensu esperimentáu’l llunes. Les temperatures van xubir unos 4 o 5 ºC en gran parte de la Comunidá, a esceición del suroccidente onde nun van esperimentar cambeos y de la mariña onde l’ascensu va ser más llixeru. Les temperatures mínimes van ser 1 o 2 ºC más baxes. Los vientos van soplar de componente oeste fluexos con delles qu’otres raches moderaes nel sector oeste. A lo llargo de la tarde‘l tiempu dirá complicándose pol lladral occidental cuidao que van entrar nubes y prevese que dexen precipitaciones a lo llargo de la tarde-nueche especialmente. Ye posible que l’oriente entá se llibre d’estes nubes y, de xuru, de les agües por cuenta de que’l frente podría dir perdiendo fuerza al tocar tierra. El miércoles, sicasí, va llegar una masa d’agües que va dir acompañada d’un descensu térmicu importante.

Esperamos una xornada bien nubosa, especialmente na metá oriental. Tamién se preven nubes escontra l’oeste pero van ser menos compactes. Esta nubosidá va dexar precipitaciones débiles que van ser más frecuentes escontra l’esti pero nun se refuguenpuntualmente dellos orbayos escontra l’occidente, a pesar de ser menos probables. Les temperatures van sufrir un descensu importante al respective de les rexistraes el domingu. Van baxar unos 4 ºC nel occidente y hasta 6 o 7 ºC nel restu del Principáu. Poro, va ser raru que los termómetros lleguen a superar los 20 ºC na mayoría de poblaciones asturianes mientres el día. Amás, les temperatures mínimes tamién van baxar unos 4 o 5 ºC en toa Asturies. Los vientos van ser fluexos predominando de noroeste-norte tol tiempu.

Sigue leyendo «El tiempu (El Comercio)» →

Esperamos una xornada estable en tola rexón. Vamos amanecer con dellos intervalos de nubes que rápido van sumir. A partir del mediudía vamos tar falando dafechu de cielos estenos en tol Principáu y asina se va caltener tola tarde. Los vientos van ser fluexos mientres les primeres hores de la mañana pero, conforme trescurra la mesma, van soplar de componente este con raches moderaes ya inclusive relativamente daqué más fuertes na mariña. Les temperatures van xubir al respective de esti xueves.

Sigue leyendo «El tiempu (El Comercio)» →

Esperamos una mañana estable con nubes y escamplaes en llínees xenerales, anque l’occidente, en principiu, va vese más afectáu pola nubosidá que l’oriente onde van predominar los grandes claros. Mientres la segunda parte del día va visitanos un frente fríu que al tocar tierra va perder fuerza, siendo polo tanto pocu activu pero lo suficiente como para consiguir enllenar de nubes todo el cielu de la rexón, especialmente, B. Nesi momentu, nun se refuguen precipitaciones de calter débil que podríen afectar a cualquier puntu pero van ser más frecuentes nel interior.

Tocantes a los vientos, van soplar de suroeste de primeres del día con raches moderaes sobremanera nel occidente asturianu, pasando a afitase de componente oeste pela mañana. Cola llegada del frente, los vientos rolarán a noroeste pero van perder intensidá cuidao que s’esperen fluexos. Van empezar primeru notándose estos vientos de noroeste na mariña mientres les primeres hores de la tarde, y van acabar afectando a tol Principáu col intre de la mesma. Les temperatures máximes van baxar una media d’ente 2 y 3 ºC, anque va ser más llixeru’l descensu nel occidente. Les mínimes van baxar namá na metá oriental. El vienres prevese meyor tiempu con un mayor predominiu del sol acompañáu d’un ascensu térmicu que se va volver a repitir el sábadu.

Esperamos una xornada que va venir marcada poles posibles raches fuertes de vientu de suroeste nel sector occidental asturianu. Nel restu van ser raches moderaes o inclusive, en dellos puntos, fluexes. Pero nel oeste del Principáu prevense que puedan superar los 60 o 70 km/h. Nun se refuga que tamién puedan sufrise estes raches en dellos puntos costeros non solo del occidente, sinón tamién de la zona central. Los cielos esperar con mayor nubosidad precisamente nel occidente mientres la mañana, ente qu’escontra l’oriente les nubes van ser menos significatives. Sicasí, conforme meyore la tarde, va ser nel oriente onde vamos ver que la nubosidad va dir claramente n’aumentu pudiendo dexar dellos bastios especialmente escontra’l cordal oriental. Les temperatures van ser bien prestoses con valores bien similares a los que rexistremos el martes. Les máximes apenes van variar ente que les mínimes van xubir, siquier, nel oriente.

El xueves prevese un cambéu a lo llargo del día cuidao que vamos empezar con vientos de suroeste-oeste, pero rolarán a noroeste-norte polo que se preve un descensu térmicu considerable.