IXUXÚ ツ Isa

Esperamos un día de cielos prácticamente cubiertos en tol Principáu d’Asturies. Yá dende primer hora va abondar la nubosidá y van esperase precipitaciones débiles pero que podríen afectar a cualquier puntu de la rexón. Asina tou, conforme vaigamos moviendo escontra l’oriente asturianu estes agües podríen ser más frecuentes. Los vientos van ser fluexos de norte con posibilidá de dalguna racha moderada y con enclín a afitase de nordeste a la fin. Les temperatures máximes van baxar llixeramente salvo na mariña occidental polo que, a dures penes, van superase los 20 ºC na mayoría de poblaciones. Les mínimes, pela so parte, apenes van variar respectu al miércoles.

Sigue leyendo «El tiempu (EL Comercio)» →

Esperamos la entrada d’una pequena masa d’aire más frío que va consiguir baxar les temperatures de forma xeneralizada. Les máximes van baxar especialmente nel interior (hasta 4 ºC menos) y de forma más nidia na mariña. Les mínimes apenes van variar respectu al martes. En cuanto al estáu de los cielos, prevense intervalos nublos con enclín a aumentar entá más la nubosidad mientres la tarde. Estes nubes van dexar precipitaciones débiles que podríen afectar a cualquier puntu de la rexón. Los vientos van soplar d’oeste-noroeste con raches moderaes, sobremanera na mariña onde puntualmente podría rexistrase dalguna racha daqué más fuerte.

Sigue leyendo «El tiempu (El Comercio)» →

El calor sigue y España raspia güei los 40º C, pero l’Aemet avisa: lleguen fuertes nubes con xarazo a estes zones. El miércoles y el xueves van ser los díes más complicaos de la selmana, caracterizaos por una baxada drástica de les temperatures y el rexistru de nubes con xarazo. (Fonte: Meteored).

Sigue leyendo «Lleguen fuertes nubes con xarazo al Cantábricu Occidental» →

Esperamos bon tiempu mientres gran parte del día. Vamos amanecer con cielos pocu nublos o estenos. Sía que non, podría apaecer cierta nubosidad pola mariña occidental anque nun dexaría precipitaciones. Mientres les hores centrales del día vamos siguir falando de cielos soleyeros nel Principáu. Pero, a lo llargo de la tarde, especialmente a la fin del día, les nubes van dir ganando terrenal hasta llegar a cubrir tol cielu asturianu. Ello ye que nun se refuga que puedan escapase dellos orbayos a última hora. Los vientos van ser fluexos mientres tola xornada, predominando de norte. Les temperatures máximes van xubir de forma xeneralizada un par de graos, ente que les mínimes van caltenese salvu nel interior oriental onde tamién van xubir llixeramente.

Sigue leyendo «El tiempu (El Comercio)» →

Esperamos intervalos nublos con momentos de grandes claros nel cielu mientres la mañana y primeres hores de la tarde. Conforme meyora la segunda parte del día vamos dir reparando como la nubosidad va dir aumentando pel sur y tamién pol oriente asturianu. Dirá estendiéndose por tola rexón anque, sía que non, nun llegaría al estremu más occidental del Principáu. Comoquier, nun se preven precipitaciones en nengún momentu de la xornada. Los vientos van soplar de componente oeste fluexos a moderaos nel interior y con daqué más fuertes na mariña. Estes raches van afloxar a última hora de la tarde o, a lo menos, cola llegada de la nueche.

Tocantes a les temperatures, prevese un ascensu d’hasta 2 o 3 ºC nel suroccidente y ensin cambeos nel restu del Principáu respecto al domingu. Les mínimes van baxar tanto nel interior central como nel oriente, calteniéndose ensin variación nel restu.

Sigue leyendo «El tiempu (EL Comercio)» →

Esperamos una xornada bastante más estable de lo que se prevía nun primer momentu. Van abrise escamplaes mientres la mañana anque van dir acompañaos d’intervalos nublos a lo llargo del día. La probabilidá de precipitaciones va ser nula. Sía que non, nun se refuga a primer hora dalguna orbaya pero rápido va unviar por completu. Los vientos van soplar de componente oeste con raches fluexes a moderaes nel interior, y moderaes a fuertes na mariña.

Ello ye que l’Axencia Estatal de Meteoroloxía va activar a partir de les 15 hores l’avisu mariellu na mar por raches que van superar los 50 km/h (esti avisu va desactivar a medianueche). Con éses anque na sablera les raches nun van algamar eses intensidaes, el vientu igualmente podría ser desagradable a pesar de los grandes ratos de sol que vamos tener esti domingu. Tocantes a les temperatures, les máximes van baxar hasta 3 ºC en tol occidente y tamién en zones altes del cordal, y van caltenese ensin cambeos respecto al sábadu nel restu. Les mínimes apenes se van ver alteriaes, sía que non podríen producise dellos descensos bien llixeros y locales nel sur del Principáu.

Vamos amanecer con delles nubes baxes pero, rápido, van sumir y van dar pasu a un predominiu de nubes de tipu altu insignificantes que nun van dexar precipitaciones. Ello ye que por momentos, prevense escamplaes nel cielu. Los vientos van soplar de componente oeste con posibles raches moderaes especialmente na mariña. Nel interior, sicasí, prevense fluexos en llínees xenerales. Les temperatures máximes van xubir hasta 4 o 5 ºC respectu al vienres. El suroccidente va ser l’únicu sector que, a priori, nun va esperimentar cambeos térmicos. Tocantes a les mínimes, van xubir llixeramente nel cordal, van baxar escontra l’oeste y van caltenese ensin cambeos nel restu del Principáu.

Sigue leyendo «El tiempu (El Comercio)» →