Depara para esti martes una xornada con nubosidá variable pela mañana con nubes más compactes mientres la tarde. Estes condiciones meteorolóxiques van ser debíes al pasu d’un frente fríu poco activu que va poder dexar delles precipitaciones débiles principalmente pela tarde. La inestabilidá nun va ser bien acusada por cuenta de que dichu frente va tar so la influencies de les altes presiones. Los vientos van afitar de noroeste mientres el día con, a lo sumo, dalguna racha moderada na mariña.

Les temperatures máximes van baxar en tol interior asturianu siendo esti descensu más acusáu conforme movamos escontra’l cordal (hasta 5 o 6 ºC nel sur de la rexón). Na mariña, sicasí, apenes van variar al respective de esti llunes. Les mínimes nun van esperimentar cambeos importantes. Sía que non, podríen producise dellos ascensos bien llixeros de forma local.

Vamos amanecer con cielos nublos na metá norte asturiana y con sol yá dende primer hora nel restu de la rexón. Pero, a partir del mediudía, claramente vamos reparar como van dir sumiendo les nubes dando pasu a una tarde soleyera en tol Principáu. A lo sumo, podríen apaecer delles nubes medies o altes poco importantes nel cordal. Los vientos van ser fluexos y variables, anque van poder acabar predominando de noroeste siquier na mariña. Les temperatures máximes van ser bien similares a les del domingu y, sicasí, les mínimes van ser más altes cuidao que se preve un ascensu xeneralizáu d’hasta 2 o 3 ºC más.

Sigue leyendo «El tiempu (El Comercio)» →

• 🔥 L’AEMET determina que trés de los diez díes más calorosos n’España diéronse mientres la fola de calor. El día 17 d’agostu tuvo una temperatura medio de 28,99 graos y considérase el más calorosos de la fola de calor.
• ☀️ Los díes 11 y 12 d’agostu, con temperatures promedio de 28,75 y 28,85 graos respectivamente, asítiense como’l séptimu y sestu díes más templaos dende 1950.
• 🌡️ L’AEMET realizó’l cálculu a partir del promediu de los valores de temperatures máximes y mínimes, promedios a los cualos aplicáronse técniques xeoestadísticas para envalorar un valor promediu para España.
• 🥵 El branu de 2025 va pasar a la hestoria como xuno que foi más templáu de lo que suel ser habitual. El mes de xunu destacó por una anomalía templada persistente.

Esperamos abondo meyor tiempu de lo que se prevía. La mañana va ser asoleyada prácticamente en tol Principáu d’Asturies. A lo llargo de la tarde vamos reparar como van apaecer nubes medies y altes dende’l cordal que se van dir moviendo en dirección norte. La probabilidá de precipitaciones va ser bien baxa pero nun se refuga que pueda escapase dalgún bastiu nel sur de la rexón mientres la tarde. Los vientos van ser fluexos polo xeneral con dalguna racha moderada, sía que non, na mariña. Les temperatures máximes van xubir un par de graos a lo sumo nel sector oriental y van caltenese ensin grandes cambeos nel restu respecto al sábadu. Les mínimes sí que van xubir de forma daqué más xeneralizada anque, igualmente, nel oriente dichu ascensu va ser más significativu.

Sigue leyendo «El tiempu (El Comercio)» →

Esperamos una xornada bien nubosa en tol Principáu. Estes nubes van dexar precipitaciones de calter débil sobremanera mientres la mañana cuidao que, a priori, la tarde va presentase más estable. Estos orbayos van ser más frecuentes nel centru y nel oriente asturianu, ente que la probabilidá de precipitaciones nel occidente va ser bien baxa. Los vientos van ser fluexos predominando de norte.

Les temperatures máximes van baxar hasta 8 ºC nel cordal, hasta 4 o 5 ºC nel restu del interior, y de forma más llixera van baxar na mariña. Les mínimes van baxar tamién nel interior anque se van caltener ensin cambeos na mariña.

Sigue leyendo «El tiempu (El Comercio)» →

Más que nunca, son necesaries les precipitaciones para poder ayudar a combatir les quemes. Pero les previsiones nun son nada favorable a pesar de que se preve cierta nubosidad. A lo sumo, mientres estos próximos díes espérase, en casu de producise, que pueda chispiar puntualmente. El domingu vamos amanecer con cielos pocu nublos nel sur de la rexón y más nubosidad na metá norte. A lo llargo de la mañana dirán abriéndose claros en tol interior, quedando la mariña y contorna entá con nubes de tipu baxu. Mientres la tarde, les nubes volverán ganar terrén y van acabar estendiéndose por tola rexón. Nesi momentu, nun se refuga que pueda escapase dalguna gota prácticamente inapreciable de forma local. Los vientos van ser fluexos y van acabar predominando de norte. Les temperatures máximes van ser bien similares a les del sábadu, salvo nel suroccidente onde van poder baxar un poco. Les mínimes, sicasí, van xubir nel interior asturianu.

Sigue leyendo «El tiempu (El Comercio)» →

El sábadu volvemos a la normalidá con un descensu térmicu de más de 10 ºC. Con éses va ser un día templáu pero que nada va tener que ver cola intensa y estrema xornada del vienres na que l’Axencia Estatal de Meteoroloxía acabó activando l’avisu coloráu na zona central del Principáu cuando, nun primer momentu, tenía previstu activar namá l’avisu naranxa. En cuanto al estáu de los cielos, prevese nubosidad na mariña y sol nel interior. Tiempu estable tamién para’l domingu con unes temperatures bien similares a les del sábadu.

El vienres foi térmicamente un día históricu n’Asturies. Rexistróse la temperatura más alto nel Principáu desque se tienen datos. Concretamente, 42,9 ºC en Baiña (Mieres) a les 16:20 hores de la tarde. Queda pulverizáu, poro, el récord anotáu en xunetu de 2022. Ello ye que la estación meteorolóxica instalada nel conceyu de Mieres foi la sesta estación col datu térmicu más altu de toa España con datos bien pareyos a les cifres d’estaciones alcontraes en Córdoba y Sevilla, daqué por completu inusual. Tamién destacaron los 41,2 ºC anotaos a les 15:50 hores n’Uviéu, batiendo tamién el so propiu récord n’anotando 2 ºC más que la máxima rexistrada va trés años. Superaron tamién la calorosa barrera de los 40 ºC tanto la estación meteorolóxica allugaes n’Amieva como la de Piloña.

Cientos de persones escueyen la Olla de San Vicente para sobrollevar la fola de calor. La masificación turística llega tamién a Amieva . #Calor #Dobra #Amieva #CangasdeOnís #Asturias

La fola de calor va recrudecese n’España: el domingu van algamase 45 ºC.  L’AEMET enllarga’l so avisu especial por fola de calor hasta’l llunes 18 d’agostu. Sevilla y Córdoba podríen algamar 45 ºC el domingu .

 El mapa de calor n’España / ELTIEMPO

L’actual fola de calor n’España, una de les más llargues de los últimos años, encara una segunda parte entá más estrema. Según la última actualización de la AEMET, l’episodiu de temperatures bien altes va enllargase siquier hasta’l llunes 18 d’agostu, con una probabilidá d’escurrimientu del 80 %.

Tamos en plena ponte del 15 d’agostu y el refuerzu de la masa d’aire templao llega pola acción d’una DANA que se va aisllar al norte de los Azores. En llugar de solliviar la situación, esta depresión atmosférica va impulsar vientos del sur que van alimentar la dorsal norteafricana, estendiendo’l calor afogadiego sobro la España peninsular y Baleares.