Tres unos díes calorosos, van baxar les temperatures de forma xeneralizada. Van baxar más de 6 ºC respectu al martes en tol interior occidental y tamién nel cordal. Nel restu del interior van baxar hasta 4 o 5 ºC, ente que na mariña’l descensu va ser más moderáu. En cuanto al estáu de los cielos, va predominar la nubosidá en tol Principáu sacantes delles escamplaes que se preven nel cordal anque, conforme trescurran les hores, tamién se va acabar nublando. Mientres la segunda metá del día prevese nubosidá d’evolución que podría dexar bastios tormentosos que, a priori, van ser más probables nel sur d’Asturies. Ello ye que l’Axencia Estatal de Meteoroloxía va activar l’avisu mariellu nel cordal pola posibilidá de nubes. Esti avisu va empecipiar a les 14 hores y va concluyir a les 22 hores.

Sigue leyendo «El tiempu (El Comercio)» →

El gurú asturianu de la meteoroloxía que nunca falla (siquier, dica agora): recurren a él para grabar series y pelis famoses. Participó nun centenar de películes y anuncios de televisión como asesor meteorolóxicu: «De primeres fízolo por hobbie».

Jaime Villanueva, de llombu, mientres una visita a los llagos de Somiedu. | LNE
Sigue leyendo «El gurú asturianu de la meteoroloxía que nunca falla» →

Volverá ser un día calorosu na rexón. L’Axencia Estatal de Meteoroloxía va tener activáu dende les 13:00 hores y hasta les 21:00 hores l’avisu mariellu tantu nel suroccidente como nel cordal por altes temperatures. En cuanto al estáu de los cielos, vamos amanecer con nubes baxes na metá norte y cielos más llimpios de nubosidá na otra metá. A lo llargo de la mañana la nubosidá va dir sumiendo anque-y va costar daqué más na mariña. A partir del mediudía van apaecer nubes medies y altes dende’l cordal coles que nun se refuguen dellos bastios vespertinos irregularmente partíos. Los vientos van ser fluexos polo xeneral.

Sigue leyendo «El tiempu (El Comercio)» →

Los cielos van tar prácticamente estenos, anque nun se refuguen delles nubes baxes a primeres hores de la mañana. Pela tarde, a lo sumo, podríen apaecer dellos intervalos de nubes medies dende’l cordal ensin importancia. Nun se preven precipitaciones en nengún momentu. Los vientos van ser fluexos con delles raches de nordeste localmente moderaes na mariña. Pero lo más destacao del día, ensin batura a duldes, va ser l’ascensu térmicu de les máximes. Hai previsión d’un ascensu d’hasta 6 o 7 ºC más que’l sábadu, anque na mariña y zones próximes l’ascensu va ser más moderáu. Les mínimes van caltenese salvu na mariña onde, llixeramente, van xubir un pocu. L’Axencia Estatal de Meteoroloxía va activar a les 13:00 hores l’avisu mariellu tantu nel suroccidente como nel cordal por altes temperatures. Esti avisu va concluyir a les 21:00 hores. En dichu avisu indica la posibilidá de llegar a algamar, puntualmente, los 37 ºC.

El llunes tamién va ser un día bien calorosu onde se van volver a superar, con alta probabilidá, los 35 ºC nel Principáu. Calor tamién pal martes pero, a partir del miércoles, van baxar les temperatures.

Esperamos, en llínees xenerales, un día veraniegu. Los cielos van tar pocu nublos anque, si hai una zona na qu’haya una probabilidá daqué más alta de ver nubes, esta va ser la mariña. En tol interior vamos tar falando de cielos prácticamente estenaos sobremanera nes hores centrales del día. Pero na mariña nun se refuguen dellos intervalos nublos que, comoquier, nun van dexar precipitaciones. Los vientos van predominar de nordeste fluexos con delles raches moderaes na mariña. Les temperatures mínimes van xubir y les máximes van ser similares a les del vienres o, sía que non, llixeramente un pocu más baxes.

Sigue leyendo «El tiempu (El Comercio)» →

Asturies prepárase para lo peor de la fola de calor, col termómetru abargana de los 40 graos. L’Aemet esclúi a Asturies de l’alerta, única comunidá en tol país, mientres Salú l’activa en Picos d’Europa. Nivel máximu d’avisu: mariello. El Comercio

Sigue leyendo «Asturies prepárase para lo peor de la fola de calor» →

La previsión del tiempu n’Asturies depara para esti vienres un amanecer con nubes baxes en zones de la metá norte asturiana, pero a lo llargo de la mañana van estenase prácticamente por completu dexando’l cielu azul en tol Principáu. Nun se preven precipitaciones y los vientos van predominar de nordeste fluexos nel interior y con dalguna qu’otra racha moderada na mariña. Les temperatures apenes van variar tantu nel casu de les máximes como nel de les mínimes. Poro, les temperatures van ser branices anque, evidentemente, llueñe de los escesivos rexistros que se tán anotando na mayor parte del restu del país.

Sigue leyendo «El tiempu (El Comercio)» →